အခြေခံစည်းမျဉ်း – က

အခြေခံစည်းမျဉ်း - က

အခြေခံစည်းမျဉ်း က – မြန်မာနိုင်ငံရှိ REDD+ မူဝါဒများ နှင့် နည်းလမ်းများ (Policies and Measures – PaMs) သည် နိုင်ငံအဆင့် သစ်တောအစီ အစဉ်များနှင့် သက်ဆိုင်ရာ နိုင်ငံတကာ ကွန်ဗင်းရှင်းများ၊ သဘောတူညီချက်များ ၏ ရည်ရွယ်ချက်များကို အထောက်အပံ့ပြုခြင်း သို့မဟုတ် ကိုက်ညီခြင်း ရှိသင့်ပါသည်။

စံသတ်မှတ်ချက် က-၁။ မြန်မာ နိုင်ငံရှိ REDD+ မူဝါဒများ နှင့် နည်းလမ်းများအား ဒီဇိုင်းရေးဆွဲ၊ အကောင်အထည်ဖော်ရာတွင် သစ်တောလုပ်ငန်း၊ ရာသီဥတု ပြောင်းလဲမှု၊ ပတ်ဝန်းကျင် စီမံအုပ်ချုပ်မှု၊ မြေအသုံးချမှု၊ ဇီဝမျိုးစုံ မျိုးကွဲများအား ထိန်းသိမ်း စောင့်ရှောက်မှု၊ ဘေးအန္တရာယ် ကြောင့် ထိခိုက်ဆုံးရှုံးနိုင်ခြေ လျှော့ချခြင်း၊ စဉ်ဆက်မပြတ်သော ဖွံ့ဖြိုးတိုးတက်မှု၊ လူ့အခွင့်အရေး၊ အလုပ်သမား အခွင့်အရေး၊ ပွင့်လင်းမြင်သာမှုနှင့် ကျားမ တန်းတူညီမျှမှုတို့အပါအဝင် သက် ဆိုင်ရာ နိုင်ငံအဆင့် မူဝါဒများ၊ အစီအစဉ်များနှင့် ကိုက်ညီမှုရှိအောင် ရေးဆွဲ ဆောင်ရွက်သင့်ပါသည်။ အမျိုးသားမူဝါဒများနှင့် အစီအစဉ် များ၏ ရည်ရွယ်ချက်များ နှင့် REDD+ PaM များကြား ဆန့်ကျင်ဘက် ဖြစ်နိုင်ခြေများကို ရှာဖွေဖော်ထုတ်၍ ဖြေရှင်းသင့်သည်။

ဤစံသတ်မှတ်ချက်ကို မည်သို့ ကိုင်တွယ်ဆောင်ရွက်သနည်း

ဤစံသတ်မှတ်ချက်ကို လေးစားလိုက်နာရန် ယခုအချိန်အထိ မည်သည်တို့ကို လုပ်ဆောင်ပြီးဖြစ်သနည်း

NRS နှင့် PaM များသည် အဓိကကျသောမူဝါဒများ၊ အစီအစဉ်များနှင့် ကိုက်ညီစေရန် ယနေ့အချိန်အထိ ဆောင် ရွက်လာခဲ့သည့် လုပ်ငန်းစဉ်နှင့် လုပ်ငန်းအဆင့်အချို့ ရှိပါသည် –
- ကာကွယ်စောင့်ရှောက်မှုများကို နိုင်ငံအခြေအနေနှင့် ကိုက်ညီစွာ အဓိပ္ပါယ်ဖွင့်ဆိုရှင်းလင်းခြင်းနှင့် မြန်မာနိုင်ငံ REDD+ မဟာဗျူဟာတို့မှတစ်ဆင့် ဦးစားပေးညှိနှိုင်းဆောင်ရွက်သင့်သည့် အမျိုးသားမူဝါဒများနှင့် အစီအစဉ်များ၊ နိုင်ငံတကာသဘောတူညီချက်များကို သတ်မှတ်ဖော်ထုတ်ခြင်း၊
- REDD+ အထူးလုပ်ငန်းအဖွဲ့နှင့် TWG များကဲ့သို့ NRS ရေးဆွဲစဉ်နှင့် ကနဦး PaM များကို သတ်မှတ် ဖော်ထုတ်စဉ် အဓိကအခန်းကဏ္ဍမှ ပါဝင်ခဲ့ကြသည့် ပေါင်းစပ်ညှိနှိုင်းရေးအဖွဲ့များးကို ဖွဲ့စည်းခြင်း၊
- TWG အဖွဲ့များအတွင်းတွင် သက်ဆိုင်ရာဝန်ကြီးဌာနများ၊ ကျွမ်းကျင်ပညာရှင်အဖွဲ့များနှင့်အတူ NRS နှင့် PaM များနှင့်စပ်လျဉ်း၍ ကဏ္ဍစုံဆွေးနွေးမှုများကို ပြုလုပ်ခဲ့ရာ နိုင်ငံအဆင့် REDD+ မဟာဗျူဟာကို NRS ကို ကဏ္ဍအသီးသီး၏ ပန်းတိုင်များနှင့် ကိုက်ညီအောင် ညှိနှိုင်းရာတွင် အထောက်အကူဖြစ်စေခဲ့ပါသည်။
- PaM များ ရေးဆွဲသည့်လုပ်ငန်းစဉ်တွင် တိုင်းရင်းသားအဖွဲ့များအပါအဝင် အကျိုးသက်ဆိုင်သူများနှင့် တိုင်ပင်ဆွေးနွေးမှုများကို တိုင်းဒေသကြီး/ပြည်နယ်အဆင့်နှင့် နိုင်ငံအဆင့်များတွင် ပြုလုပ်ခဲ့ပါသည်။
- နိုင်ငံအဆင့် REDD+ မဟာဗျူဟာကို အပြီးသတ်အတည်ပြုစဉ်တွင်လည်း နိုင်ငံအဆင့် အတည်ပြုအလုပ်ရုံဆွေးနွေးပွဲတစ်ခုနှင့် အွန်လိုင်းမှ အကြံပြုချက်များ တောင်းခံခြင်း၊ ထို့နောက်တွင် REDD+ အထူးလုပ်ငန်းအဖွဲ့မှ အတည်ပြုခြင်း၊ NE5C မှ အတည်ပြုချက် ရယူခြင်းနှင့် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန (MONREC) မှ အစိုးရအဖွဲ့ (ကက်ဘိနက်) သို့ တင်ပြခြင်းများကို ဆောင်ရွက်ခဲ့ပါသည်။

အဓိကစိန်ခေါ်မှုများနှင့် အကြံပြုချက်များ

သစ်တောဥပဒေ၏ အခြေခံစည်းမျဉ်းများတွင် သစ်တောလုပ်ငန်းနှင့် ပတ်ဝန်းကျင်ထိန်းသိမ်းရေးဆိုင်ရာမူဝါဒများ ကို ကိုက်ညီအောင်ညှိနှိုင်းရန် သတ်မှတ်ပြဋ္ဌာန်းထားသော်လည်း REDD+ PaM များအားလုံးကို ဦးစားပေးအစီအစဉ်များ၊ အမျိုးသားမူဝါဒများ၏ ရည်ရွယ်ချက်များနှင့် ကိုက်ညီအောင်ညှိနှိုင်း၍ ဒီဇိုင်းရေးဆွဲကြောင်း သေချာအောင်လုပ်ဆောင်သည့်နေရာတွင် လုံလောက်မှုမရှိပါ။ အဘယ်ကြောင့်ဆိုသော် သီးသန့်ပြဋ္ဌာန်းပေးထားသောလုပ်ငန်း လည်ပတ်ဆောင်ရွက်မှု ယန္တရားတစ်ခုမရှိခြင်းနှင့် သစ်တောကဏ္ဍ ပြင်ပရှိ REDD+ PaM များတွင် သစ်တောဥပဒေက လွှမ်းခြုံမှုမရှိသည့်အတွက် ဖြစ်ပါသည်။ မဟာဗျူဟာများ၏ အခြားမူဝါဒနှင့် ဥပဒေများနှင့် တစ်သမတ်တည်းဖြစ်ခြင်းနှင့် ဆန့်ကျင်းခြင်းတို့အား ပုံမှန်အားဖြင့် တရားဝင် ပြန်လည်မသုံးသပ်ခြင်း၊ REDD+ နှင့် ကိုက်ညီအောင် ညှိနှိုင်းနိုင်ရန် တိုင်ပင်ဆွေးနွေးသင့်သည့် သက်ဆိုင်ရာ ပေါင်းစပ်ညှိနှိုင်းဆောင်ရွက်သူများ အားလုံး မပါဝင်ခြင်း။ မြန်မာနိုင်ငံ၏ ရာသီဥတုပြောင်းလဲမှုဆိုင်ရာ ဥပဒေမူဘောင်မှာ ပိုမိုအားကောင်းအောင် လုပ်ဆောင်ဖို့ လိုအပ် ပါသည်။

ကွာဟချက်များအား ဖြေရှင်းရန် အကြံပြုချက်များ –

က-၁ ၏ အဆိုပြု ညွှန်းကိန်းများ

လိုက်နာကျင့်သုံး	NBSAP ကိုအထောက်အကူပြု	က.၁.၁။ REDD+ PaM များမှတစ်ဆင့် ထိန်းသိမ်းစောင့်ရှောက် မှုများဆောင်ရွက်နေသည့် ဦးစားပေးထိန်းသိမ်းစောင့်ရှောက် ရမည့် နေရာများ၏ ဧရိယာ
		က.၁.၂. REDD+ PaM များမှတစ်ဆင့် တည်ထောင်ထားသည့် သဘာဝထိန်းသိမ်းရေးနယ်မြေများ (လူထုမှ ထိန်းသိမ်းစောင့် ရှောက်ထားသောဧရိယာများအပါအဝင်) ၏ ဧရိယာ (ဟက်တာဖြင့်) နှင့် နိုင်ငံမှ ရည်မှန်းထားသည့် သဘာဝ ထိန်းသိမ်းနယ်မြေများ၏ လွှမ်းခြုံမှုတွင် အဆိုပါဧရိယာများ ပါဝင်မှု အချိုးအစား
		က.၁.၃။ နေရာဒေသအခြေပြုသည့် REDD+ လုပ်ငန်းများ ဆောင်ရွက်နေသည့် ဧရိယာအတွင်းပြင်ရှိ NFI အကွက်များ ပေါ်ရှိ biodiversitymetrics များ၏ အပြောင်းအလဲများ
	မြန်မာနိုင်ငံ အမျိုးသားအဆင့် ရာသီဥတုပြောင်းလဲမှုဆိုင်ရာမဟာဗျူဟာနှင့် ပင်မလုပ်ငန်းအစီအစဉ်၊ ၂၀၁၈-၂၀၃၀၊မြန်မာနိုင်ငံ ရာသီဥတုပြောင်းလဲမှုဆိုင်ရာမူဝါဒ(၂၀၁၉)နှင့်DRRလုပ်ငန်း စီမံချက်တို့ကိုအထောက်အကူပြု –	က.၁.၄။ REDD+ ဧရိယာများရှိ မြို့နယ်ထိခိုက်လွယ်မှု အညွှန်း ကိန်းဆိုင်ရာ အပြောင်းအလဲများ
		က.၁.၅။ မြန်မာနိုင်ငံ၏ ကာဗွန်ထုတ်လွှတ်မှုများ လျှော့ချနိုင်မှု တွင်REDD+ GHG ရလဒ်များ၏ ပါဝင်အထောက်အကူပြုမှု
		က.၁.၆။ REDD+ PaM များမှတစ်ဆင့် စိုက်ပျိုးရေးနှင့် စပ်လျဉ်းသောပံ့ပိုးကူညီမှုများ လက်ခံရရှိသည့် တောင်သူ လယ်သမားများအရေအတွက်
	မြန်မာ့သစ်တောမူဝါဒကိုအထောက်အကူပြု	က.၁.၇။ သစ်တောနယ်မြေ ဧရိယာ၊ အပြောင်းအလဲများ
	မြန်မာ့သစ်တောမူဝါဒကိုအထောက်အကူပြု	က.၁.၈။ ဒေသခံပြည်သူအစုအဖွဲ့ပိုင်သစ်တောဧရိယာ အပြောင်းအလဲများ
	MSDP ကို အထောက်အပံ့ပြု	က.၁.၉။ REDD+ မှတစ်ဆင့် ပံ့ပိုးသည့် ရေရှည်လုပ်ကိုင် စားသောက်နိုင်သော/ အစားထိုးလုပ်ကိုင်နိုင်သော အသက် မွေးဝမ်းကျောင်းမှု လုပ်ငန်း ပံ့ပိုးမှုများ ရရှိသည့် အကျိုးခံစား ခွင့်ရှိသူအရေအတွက်
		က.၁.၁၀။ REDD+ အကောင်အထည်ဖော်သော နေရာဒေသ များရှိဆင်းရဲနွမ်းပါးသော အိမ်ထောင်စု အချိုးအစား
		က.၁.၁၁။ REDD+ ဖြင့် (ကုမ္ပဏီ/အိမ်ထောင်စုမှ) အသေးစားငွေရေးကြေး ရေး/ချေးငွေ လက်လှမ်းမီရရှိမှု
		က.၁.၁၂။ ခုတ်လှဲထုတ်ယူခြင်းမဟုတ်သည့် သစ်တော အသုံးပြုမှု/လုပ်ငန်းဆောင်တာများ၏ စီးပွားရေးတန်ဖိုး အပြောင်းအလဲများ
		က.၁.၁၃။ ပြည်နယ်များ/ တိုင်းဒေသကြီးများ၏ သစ်နှင့် သစ်တောထွက်ပစ္စည်းများ ရောင်းချရာမှ ရရှိသည့် အခွန် ဘဏ္ဍာငွေပမာဏအပြောင်းအလဲများ
	အမျိုးသားမြေအသုံးချမှုမူဝါဒ (၂၀၁၆)	က.၁.၁၄။ REDD+PaMs များမှ တစ်ဆင့် ထောက်ပံ့သည့် စီမံကိန်းရေးဆွဲရေး ကိရိယာ အရေအတွက် (သို့မဟုတ် လွှမ်းခြုံသည့် ဧရိယာ)
	အမျိုးသားမြေအသုံးချမှုမူဝါဒ (၂၀၁၆)	က.၁.၁၅။ REDD+ ၏ ပံ့ပိုးမှုဖြင့် ICCA အဖြစ်၊ ဒေသခံပြည်သူ အစုအဖွဲ့ပိုင်သစ်တောများအဖြစ် ကြေညာသတ်မှတ်ပြီးဖြစ် သော နှင့်/သို့မဟုတ်မြေလုပ်ပိုင် ခွင့်ပြုလက်မှတ် ထုတ် ပေးပြီးဖြစ်သော ဧရိယာ
	အမျိုးသားပတ်ဝန်းကျင်ရေးရာမူဝါဒ (၂၀၁၈)	က.၁.၁၆။ REDD+ ဖြင့် ထိခိုက်မှုဆန်းစစ်ခြင်းအတွက် ပံ့ပိုးကူညီမှု နှင့် ဆက်စပ်သည့် စွမ်းဆာင်ရည် မြှင့်တင်ပေးခြင်း
	အမျိုးသားပတ်ဝန်းကျင်ရေးရာမူဝါဒ (၂၀၁၈)	က.၁.၁၇။ REDD+ PaM များမှတစ်ဆင့် ထိန်းသိမ်းစောင့် ရှောက်မှုလုပ်ငန်းများ ဆောင်ရွက်နေသော ဇီဝမျိုးစုံမျိုးကွဲ များ၊ ဂေဟစနစ်ဝန်ဆောင်မှုများ သို့မဟုတ် ပတ်ဝန်းကျင် ကာကွယ်စောင့်ရှောက်မှု အတွက် ဦးစားပေးဧရိယာမျာ

စံသတ်မှတ်ချက် က-၂။ မြန်မာနိုင်ငံရှိ REDD+ မူဝါဒ များနှင့် နည်းလမ်းများ ကို ဒီဇိုင်းရေးဆွဲ၊ အကောင်အထည် ဖော်ရာတွင် CBD၊ UNCCD၊ UNFCCC၊ CITES ၊ ရမ်ဆာ ကွန်ဗင်းရှင်း၊ CEDAW ၊ UNDRIP၊ အဂတိလိုက်စားမှု တိုက်ဖျက်ရေး ဆိုင်ရာ UN ကွန်ဗင်းရှင်း ကဲ့သို့ သော သက်ဆိုင်ရာ နိုင်ငံတကာ ကွန်ဗင်းရှင်းများနှင့် သဘောတူညီ ချက်များ၊ SDGs နှင့် FLEGT ကဲ့သို့ နိုင်ငံတကာ မူဝါဒများနှင့် အစီအ စဉ်များ အဆိုပါသဘောတူညီချက် များကို အကောင်အထည်ဖော်ရန် အတွက် ရေးဆွဲထားသော နိုင်ငံ အဆင့် မဟာဗျူဟာများ၊ စီမံကိန်း များနှင့် ကိုက်ညီမှုရှိအောင် ရေးဆွဲ ဆောင်ရွက်သင့်ပါသည်။

ဤစံသတ်မှတ်ချက်ကို မည်သို့ ကိုင်တွယ်ဆောင်ရွက်သနည်း

REDD+ မှ ကိုက်ညီအောင် ဆောင်ရွက်သင့်သည့် ဖြစ်နိုင်ပါက ကူညီပံ့ပိုးသင့်သည့် မြန်မာနိုင်ငံရှိ အဓိကဦးစားပေး များအဖြစ် အောက်ပါနိုင်ငံတကာကွန်ဗင်းရှင်းများနှင့် ကတိကဝတ်များ၊ ၎င်းတို့ကို အကောင်အထည်ဖော်ရန် နိုင်ငံမှ ချမှတ်ထားသော မဟာဗျူဟာများကို သတ်မှတ်ဖော်ထုတ်ထားပါသည် (ပိုမိုအသေးစိတ် သော အချက်အလက်များကို နောက်ဆက်တွဲ ၆ တွင် ကြည့်ပါရန်) –

မြန်မာနိုင်ငံအစိုးရသည် နိုင်ငံတကာကွန်ဗင်းရှင်းများနှင့် သဘောတူညီချက်များကို လက်မှတ်ရေးထိုးပြီးပြီ ဆိုလျှင် ပြည်တွင်းမှ ၎င်း၏သက်ဆိုင်ရာ ဥပဒေများထဲတွင် ပေါင်းစပ်ထည့်သွင်းပါသည်။ နိုင်ငံတကာ သဘောတူညီချက် အသီးသီး၏ တာဝန်ခံဝန်ကြီးဌာနများက ဤလုပ်ငန်းစဉ်ကို တာဝန်ယူလုပ်ဆောင်ရပါသည်။
စံသတ်မှတ်ချက် က-၁ အောက်တွင် ဖော်ပြခဲ့သည့်အတိုင်း ၂၀၁၈ သစ်တောဥပဒေသည် သစ်တောကဏ္ဍ အတွင်းရှိ PaM များကို သစ်တောများထိန်းသိမ်းစောင့်ရှောက်ခြင်း၊ စီမံအုပ်ချုပ်လုပ်ကိုင်ခြင်းနှင့်စပ်လျဉ်းသော နိုင်ငံတကာ သဘောတူညီချက်များနှင့်အညီ အကောင်အထည်ဖော်နိုင်ရေးအတွက် အထောက်အကူပြုပါသည်။ ထို့ပြင် ၂၀၁၈ သစ်တောဥပဒေ၏ ရည်ရွယ်ချက်များထဲတွင် သစ်တောထိန်းသိမ်းကာကွယ်ရေး၊ သယံဇာတနှင့် သဘာဝပတ်ဝန်း ကျင်ထိန်းသိမ်းကာကွယ်ရေး၊ ရာသီဥတုပြောင်းလဲမှုနှင့် သဘာဝဘေးအန္တရာယ် လျော့ပါးရေးတို့နှင့်စပ်လျဉ်းသည့် အစီအစဉ်များကို အကောင်အထည်ဖော်သောအခါတွင် အပြည်ပြည်ဆိုင်ရာ သဘောတူညီချက်များနှင့်အညီ ဆောင်ရွက်ရန်ဟူ၍လည်း ပါဝင်ပါသည်။

စံသတ်မှတ်ချက် က-၁ တွင် ဖော်ပြခဲ့သည့်အတိုင်း ပေါင်းစပ်ညှိနှိုင်းရေးအဖွဲ့အချို့ကို ဖွဲ့စည်းထားပြီးဖြစ်သလို REDD+ PaM များကို အမျိုးသားမူဝါဒများ၊ ၎င်းတို့၏ ရည်ရွယ်ချက်များနှင့်ကိုက်ညီမှုရှိစေရန်လည်း ကူညီဆောင်ရွက်နေသည့်အတွက် ထိုအဖွဲ့များသည် REDD+ ကို မြန်မာနိုင်ငံ၏ နိုင်ငံတကာကတိကဝတ်များနှင့် ပေါင်းစပ်ညှိနှိုင်းပေးသည့် နေရာတွင်လည်း ပါဝင်ဆောင်ရွက်ပေးနိုင်မည်ဖြစ်သည်။

နိုင်ငံအဆင့် REDD+ မဟာဗျူဟာကို အမျိုးသားမူဝါဒများ၊ အစီအစဉ်များ၊ နိုင်ငံတကာကတိကဝတ်များနှင့် ကိုက်ညီစေရန် ပံ့ပိုးပေးသော လုပ်ငန်းစဉ်များအကြောင်း ဖော်ပြထားချက်ကို စံသတ်မှတ်ချက် က-၁ တွင် ဖတ်ရှုနိုင်ပါသည်။ အထူးသဖြင့် မဟာဗျူဟာ နောက်ဆုံးမူကြမ်းတွင် REDD+ သည် မြန်မာနိုင်ငံ၏ ပဲရစ်သဘောတူညီချက်အတွက် နိုင်ငံမှပါဝင်ကူညီပေးရန် ဆုံးဖြတ်ထားသော အရာများ၊ စဉ်ဆက်မပြတ်ဖွံ့ဖြိုးတိုးတက်မှုပန်းတိုင်များကဲ့သို့ အဓိကကျသော နိုင်ငံတကာကတိကဝတ်များကို မည်သို့ ပံ့ပိုးဆောင်ရွက်ပေးနိုင်ကြောင်း ဆန်းစစ်လေ့လာထားပါသည်။

အဓိကစိန်ခေါ်မှုများနှင့် အကြံပြုချက်များ

သတ်မှတ်ဖော်ထုတ်ထားသော ကွာဟချက်များကို စံသတ်မှတ်ချက် က-၁ ၏ အောက်တွင် ကြည့်ပါရန်

မြန်မာနိုင်ငံ၏ အမျိုးသားမူဝါဒများနှင့် ဥပဒေများသည် နိုင်ငံ၏နိုင်ငံတကာကတိကဝတ်များနှင့် ဆန့်ကျင်ဘက် ဖြစ်နေခြင်းများရှိနိုင်ကြောင်း အကျိုးသက်ဆိုင်သူများက ထောက်ပြကြပါသည်။ ဥပမာ မြေအသုံးချမှု မူဝါဒနှင့် လူ့အခွင့်အရေးများဆိုင်ရာ နိုင်ငံတကာတာဝန်ဝတ္တရားများကြား ဆန့်ကျင်ဘက်ဖြစ်နေမှု (အခြေခံ စည်းမျဉ်း ဂ ကိုလည်း ကြည့်ပါရန်)

ကွာဟချက်များအား ဖြေရှင်းရန် အကြံပြုချက်များ –

က-၂ ၏ အဆိုပြု ညွှန်းကိန်းများ

လိုက်နာကျင့်သုံး	NDC & UNCCD ကိုအထောက်အပံ့ပြု	က.၂.၁။ REDD+ PaM များမှတစ်ဆင့် ပြန်လည်ပျိုးထောင်ထား သော/ပြန်လည်စိုက်ပျိုးထားသော သစ်တောမြေ ဧရိယာ နှင့် ယင်းဧရိယာမှသစ်တောများ ပြန်လည် ပျိုးထောင်ရေး နိုင်ငံမှ ရည်မှန်းထားသောရည်မှန်းချက်များ ပြည့်မီရေး ပါဝင်ပံ့ပိုးမှု အချိုးအစား
	NDC & UNCCD ကိုအထောက်အပံ့ပြု	က.၂.၂။ ကာဗွန်ထုတ်လွှတ်မှုများ လျှော့ချမှုတွင် ပါဝင်ကူညီ ပေးသည့်REDD+ ရလဒ်များ
	CBD၊ CITES၊ RAMSARတို့ကို အထောက်အပံ့ပြု	က.၂.၃။ က.၁ အောက်ရှိ NBSAP ညွှန်ကိန်းများနှင့် ချိတ်ဆက်
		က.၂.၄ – နေရာဒေသအခြေပြု နည်းလမ်းများမှတစ်ဆင့် ကာကွယ်စောင့်ရှောက်မှုများ ထပ်ဆောင်း လက်ခံရရှိသည့် ရမ်ဆာဒေသများ (နှင့်/သို့မဟုတ် အာဆီယံ/နိုင်ငံ အသိအမှတ် ပြု ရေတိမ်ရေဝပ်ဒေသများ)အချိုးအစားနှင့် ဧရိယာ
		က.၂.၅။ REDD+ PaM များမှတစ်ဆင့် ပြန်လည်ပျိုးထောင်/ ပြန်လည်စိုက်ပျိုးထားသော ဒီရေတောများ ဧရိယာ
		က.၂.၆။ သစ်တောတွင်းရှိ အဓိကကျသည့် စီးပွားရေးသုံး အပင်မျိုးစိတ်များ ပေါများစွာရှိမှု အပြောင်းအလဲများ (NFI မှတစ်ဆင့်)
		က.၂.၇။ REDD+ မှတစ်ဆင့် ပံ့ပိုးအားပေးမှုဖြင့် ဒေသန္တရ အစိုးရ၊ လူထုများ လုပ်ဆောင်သော၊ အိမ်နီးချင်းနိုင်ငံများနှင့် ပူးပေါင်းဆောင်ရွက်သောနယ်စပ်ထိန်းချုပ်ရေး လုပ်ငန်းများ အရေအတွက်
	CEDAW / အမျိုးသမီးများဖွံ့ဖြိုးတိုးတက်ရေးဆိုင်ရာ အမျိုး သားအဆင့် မဟာဗျူဟာစီမံကိန်းကိုအထောက်အပံ့ပြု	က.၂.၈။ ကျားမတန်းတူညီမျှမှုကို အားပေးနိုင်မည့် တိုးချဲ့ ဝန်ဆောင်မှု အရေအတွက်၊
		က.၂.၉။ အမျိုးသမီးများ၏ ပါဝင် ဆောင်ရွက်မှုနှင့် သက်ဆိုင်သည့် ကာကွယ်စောင့်ရှောက်မှု ဃ ညွှန်းကိန်း နှင့် ချိတ်ဆက်သည်
	UNDRIP နှင့် ကုလသမဂ္ဂလူမှုရေး၊ ယဉ်ကျေးမှုနှင့်စီးပွား ရေးဆိုင်ရာ အခွင့်အရေးများ ကွန်ဗင်းရှင်း	က.၂.၁၀။ ဒေသခံပြည်သူ/ IP များ၏ မြေယာအခွင့်အရေး များဆိုင်ရာ ဂ.၂.၅ နှင့် ချိတ်ဆက်၊
		က.၂.၁၁။ ယဉ်ကျေးမှုအမွေအနှစ်များ ဆိုင်ရာ ဂ.၃ နှင့် ချိတ်ဆက်၊
		က.၂.၁၂။ ဌာနေတိုင်းရင်းသား/ တိုင်းရင်း သားလူမျိုးစုများ၏ ပါဝင်ဆောင်ရွက်မှု နှင့်ဆိုင်သည့် ကာကွယ်စောင့်ရှောက်မှု ဃ ညွှန်းကိန်းများနှင့် ချိန်ဆက်
	ကုလသမဂ္ဂအဂတိလိုက်စားမှုတိုက်ဖျက်ရေး ကွန်ဗင်းရှင်း/မြန်မာနိုင်ငံ အဂတိလိုက်စားမှုတိုက်ချက်ရေးဥပဒေ	က.၂.၁၃။ ပွင့်လင်းမြင်သာမှုဆိုင်ရာ ခ.၁.၁ နှင့် ချိတ်ဆက်၊
		က.၂.၁၄။ REDD+ မှတစ်ဆင့် ပံ့ပိုးကူညီခဲ့သော အဂတိလိုက် စားမှု တိုက်ဖျက်ရေး မဟာဗျူဟာများ/ စည်းမျဉ်းစည်းကမ်း များ/ ဆောင်ရွက်ချက်များ အရေအတွက်
	SDGs / MSDP	က.၂.၁၅။ SDG ပန်းတိုင် ၁ (ဆင်းရဲနွမ်းပါးမှု ပပျောက် ရေး – က.၁အောက်ရှိ MSDP ညွှန်ကိန်းများနှင့် ချိတ်ဆက်)၊ SDG ပန်းတိုင် ၅(ကျားမတန်းတူညီမျှမှ – အထက်ဖော်ပြပါ CEDAW ညွှန်ကိန်းများနှင့်ချိတ်ဆက်)၊ SDG ပန်းတိုင် ၁၃ (ရာသီဥတုဆိုင်ရာ လုပ်ဆောင်ချက် အထက်ဖော်ပြပါ NDC ညွှန်ကိန်း၊ က.၁ အောက်ရှိ ရာသီဥတုပြောင်းလဲမှုဆိုင်ရာ မဟာဗျူဟာ ညွှန်ကိန်းများနှင့် ချိတ်ဆက်)၊ SDG ပန်းတိုင် ၁၅(မြေပေါ်ရှိ သက်ရှိများ – က.၁ အောက်ရှိ NBSAP ညွှန်ကိန်း များနှင့်ချိတ်ဆက်)
	FLEGT:	က.၁၆။ တရားဝင်ထုတ်လုပ်သော သစ်များအတွက် ချုပ်ဆို နိုင်ခဲ့သော ကုန်သွယ်မှုသဘောတူစာချုပ်များ အရေအတွက် နှင့်/သို့မဟုတ် ဖော်ဆောင်ထားသော ရေရှည်တည်တံ့သည့်ထောက်ပံ့မှု အစီအစဉ်
		က.၂.၁၇။ တရားဝင်ထုတ်လုပ်သော သစ်များအတွက် ချုပ်ဆို နိုင်ခဲ့သောကုန်သွယ်မှု သဘောတူစာချုပ်များ အရေအတွက်
		က.၂.၁၈။ နယ်စပ်ထိန်းချုပ်လုပ်ငန်း ၏ ညွှန်းကိန်း က.၂.၇ နှင့် ချိတ်ဆက်

Myanmar Safeguards Information

ကာကွယ်စောင့်ရှောက်မှု သတင်းအချက်အလက်စနစ်

အခြေခံစည်းမျဉ်း - က

အခြေခံစည်းမျဉ်း- က

အခြေခံစည်းမျဉ်း- ခ

အခြေခံစည်းမျဉ်း- ဂ

အခြေခံစည်းမျဉ်း- ဃ

အခြေခံစည်းမျဉ်း- င

အခြေခံစည်းမျဉ်း- စ

အခြေခံစည်းမျဉ်း- ဆ

Contact Us

Get Involved

© 2020 REDD+ Programme Myanmar

All images used courtesy of license holder or through Creative Commons license

Forest Department , Building 39, Nay Pyi Taw

+95 67 416523, +95 67 416524

reddprogramme@myanmar-redd.org