ကာကွယ်စောင့်ရှောက်မှုများအတွက် နိုင်ငံမှ ချဉ်းကပ်ဆောင်ရွက်သည့်နည်းလမ်းသည် UNFCCC ၏ ခန်ခွန်းကာကွယ်စောင့်ရှောက်မှုများ (နှင့် အခြားဆက်စပ်ပတ်သက်သည့် ကာကွယ်စောင့်ရှောက်မှုဆိုင်ရာသတ်မှတ်ချက်များ၊ ဥပမာ အကောင်အထည်ဖော်ရန် ရန်ပုံငွေပံ့ပိုးသောအဖွဲ့အစည်းများအတွက် သတ်မှတ်ချက်များ သို့မဟုတ် ရလဒ်များကို အခြေခံ၍ ရန်ပုံငွေများ ပေးအပ်ရန်အတွက် သတ်မှတ်ချက် များ) ကို နိုင်ငံ၏ အခြေအနေများနှင့် ညှိနှိုင်း၍ နိုင်ငံတွင်းရှိ စနစ်များနှင့် လုပ်ငန်းစဉ်များကို အပြည့်အဝအသုံးပြု၍ ဖြည့်ဆည်းဆောင်ရွက်နိုင်သည့်နည်းလမ်း ဖြစ်ပါသည်။ ထို့ပြင် နိုင်ငံအနေဖြင့် ကာကွယ်စောင့်ရှောက်မှုများသည် မိမိတို့နိုင်ငံ၏ အခြေအနေတွင် မည်သို့သော အဓိပ္ပါယ်ဆောင်သည်၊ မည်သို့လက်တွေ့ကျင့်သုံးရမည်၊ ကာကွယ်စောင့်ရှောက်မှုများသည် အမျိုးသားမူဝါဒပန်းတိုင်များ ပြည့်မီရေးတွင် အထောက်အကူပြုနိုင်အောင် မည်သို့လုပ်ဆောင်ရမည်ဆိုသည်တို့ကိုလည်း စဉ်းစားဆုံးဖြတ်၍ ချဉ်းကပ်ဆောင်ရွက်မည့်နည်းလမ်းကို ချမှတ်နိုင်ပါသည်။ ထိုသို့လုပ်ဆောင်ခြင်းဖြင့် REDD+ အကောင်အထည်ဖော်မှုအပေါ် ယုံကြည်ကိုးစားမှုများ ပိုမိုရရှိပြီး ရေရှည်တည်တံ့ခိုင်မြဲရေးအတွက်လည်း အထောက်အကူ ပြုနိုင်ပါသည်။

မြန်မာနိုင်ငံ၏ ကာကွယ်စောင့်ရှောက်မှုများအတွက် ချဉ်းကပ်ဆောင်ရွက်သည့်နည်းလမ်းတွင် အောက်ပါ အစိတ်အပိုင်းအချို့ ပါဝင်ပါသည်။

–     Cancun ကာကွယ်စောင့်ရှောက်မှုများကို ‘အခြေခံစည်းမျဉ်းများနှင့် စံသတ်မှတ်ချက်များ (principles and criteria)’                                  နည်းလမ်းကို အသုံးပြု၍ နိုင်ငံ၏ အခြေအနေနှင့် ကိုက်ညီအောင် အဓိပ္ပါယ်ရှင်းလင်းဖွင့်ဆိုခြင်း၊ ယင်းကို SIS စနစ်တွင်                                ပါရှိသည့် ညွှန်ကိန်းများ (indicators)   နှင့် ထပ်မံဖြည့်စွက်ပေးရန် ဖြစ်သည်။ ကာကွယ်စောင့်ရှောက်မှုများအတွက်                                  ကိုင်တွယ်ဆောင်ရွက်ရန်နှင့် လေးစားလိုက်နာရန် အထောက်အပံ့ဖြစ်သည်ဟု  ဖော်ထုတ်သိရှိထားသည့် အဓိကကျသော                            အမျိုးသားမူဝါဒများ၊ ဥပဒေများနှင့် စည်းမျဉ်းစည်းကမ်းများကို အသုံးပြုခြင်းနှင့် အားကောင်းအောင် လုပ်ဆောင်ခြင်း၊

–     တည်ဆဲဥပဒေမူဘောင်ကို အားဖြည့်ထောက်ကူပေးရန်နှင့် နိုင်ငံတွင်းရှိ REDD+ စီမံကိန်းရေးဆွဲခြင်း၊ အကောင်အထည်                              ဖော်ခြင်းတို့ နှင့်ဆက်နွယ်သည့် ဦးစားပေး ထိခိုက်ဆုံးရှုံးနိုင်ခြေများနှင့် အကျိုးကျေးဇူးများကို ကိုင်တွယ်ဖြေရှင်းဆောင်ရွက်ရန်                    အတွက် ကာကွယ်စောင့်ရှောက်မှုများနှင့် သက်ဆိုင်သော လုပ်ထုံးလုပ်နည်းများ၊ အထောက်အကူနည်းလမ်းများကို                                    ရှာဖွေပြုစုအသုံးပြုခြင်း၊

အမျိုးသားအဆင့် ချဉ်းကပ်ဆောင်ရွက်သည့်နည်းလမ်းများမှ အစိတ်အပိုင်းတချို့တို့မှာ အောက်ပါအတိုင်းဖြစ်ပါသည်။

အကျိုးဆက်စပ်သက်ဆိုင်သူများနှင့် ဆွေးနွေးညှိနှိုင်းဆောင်ရွက်ခြင်း

၂၀၁၆ ခုနှစ်တွင် ‘သစ်တောများ ရေရှည်တည်တံ့စေရန် စီမံအုပ်ချုပ်လုပ်ကိုင်မှုနှင့် REDD+ အတွက် မူဝါဒများနှင့် အစီအစဉ်များတွင် အကျိုးဆက်စပ်သက်ဆိုင်သူများနှင့် ဆွေးနွေးညှိနှိုင်း ဆောင်ရွက်ရန် အတွက် လမ်းညွှန်ချက်များ’ ကို ပြုစုခဲ့ပါသည်။ ကျားမရေးရာနည်းလမ်းတစ်ခုကို အသုံးပြုကာ ထိုလမ်းညွှန်ချက်များတွင် အကျိုးဆက်စပ်သက်ဆိုင်သူများ သတ်မှတ်ခြင်းနှင့် ၎င်းတို့၏ စေ့စပ်ကြောင်းလမ်းခြင်းနည်းလမ်းများကိုလည်း သက်မှတ်ဖော်ပြထားပါသည်။ REDD+ လုပ်ငန်းများအတွက် FPIC လမ်းညွှန်ချက်များ တွင်လည်း REDD+ စီမံကိန်းရေးဆွဲရာတွင် အကျိုးဆက်စပ်သက်ဆိုက်သူများ ပါဝင်ရန် လိုအပ်ပါသည်။ အကျိုးဆက်စပ်သက်ဆိုင်သူများ ပူးပေါင်းပါဝင်ခြင်းအတွက် စင်္ကြံများ လုပ်ထုံးလုပ်နည်းများလည်း
သက်မှတ်ဖော်ထုတ်ပြီး ယနေ့အချိန်ထိ REDD+ လုပ်ငန်းစဉ်များတွင် အသုံးပြုလျက်ရှိပါသည်။ 

–     နိုင်ငံအဆင့်တွင် REDD+ အထူးလုပ်ငန်းအဖွဲ့ (REDD+ Task Force) ၊ REDD+ နည်းပညာ လုပ်ငန်းအဖွဲ့များ (TWG-SES                           အပါအဝင်) နှင့် REDD+ အကျိုးဆက်စပ်သက်ဆိုင်သူများကွန်ရက်တို့အပါအဝင် စီမံကိန်းများရေးဆွဲသည့်လုပ်ငန်းစဉ်များ                         အတွင်း အကျိုးဆက်စပ်သက်ဆိုင်သူများ၏ ပါဝင်ဆောင်ရွက်မှု သို့မဟုတ် ၎င်းတို့နှင့် ဆွေးနွေးညှိနှိုင်း မှုများ                                               ပြုလုပ်နိုင်အောင် ကူညီပေးနိုင်သည့် ပေါင်းစပ်ညှိနှိုင်းရေးလုပ်ငန်းစဉ်အချို့ ရှိပါသည်။

–      NRS မဟာဗျူဟာ ရေးဆွဲသည့် လုပ်ငန်းစဉ်အတွင်းတွင် အကြံပြုအလုပ်ရုံဆွေးနွေးပွဲ ပေါင်း ၄၀ ကျော်အား နိုင်ငံအဆင့်နှင့်                          တိုင်းဒေသကြီး/ပြည်နယ်အဆင့်များ၌ ကျင်းပခဲ့ပြီး ဖြစ်သည်။

–      REDD+ နှင့် NRS အကြောင်း အသိပညာပေးသည့် စာစောင်များ၊ အထောက်အကူပစ္စည်းများကို မြန်မာဘာသာအပြင်                                တိုင်းရင်းသားဘာသာစကား ၁၀ မျိုး ဖြင့် ပြုစုထုတ်ဝေခဲ့ပါသည်။

ကျားမရေးရာ 

မြန်မာနိုင်ငံတွင် ကျားမရေးရာ သာတူညီမျှမရှိမှုများကို ကိုင်တွယ်ဖြေရှင်းရေးသည် REDD+ အတွက် စီမံကိန်းများ ရေးဆွဲအကောင်အထည်ဖော်ခြင်းနှင့် ကာကွယ်စောင့်ရှောက်မှုများအတွက် ချဉ်းကပ်ဆောင်ရွက်မှုနည်းလမ်းတွင် အရေးကြီးသော ကိစ္စရပ်တစ်ခု ဖြစ်ပါသည်။ အာရှပစိဖိတ်ဒေသရှိ အခြား နိုင်ငံများနည်းတူ မြန်မာ့လူမှုအဖွဲ့အစည်းနှင့် စီးပွားရေးကဏ္ဍအတွင်းတွင် အမျိုးသားများနှင့် အမျိုးသမီးများကြား တန်းတူညီမျှမရှိမှုများ ရှိနေပါသည်။  ထို့ပြင် မြန်မာနိုင်ငံ၏ သစ်တောကဏ္ဍ အတွင်းတွင်လည်း အမျိုးသားများနှင့် အမျိုးသမီးများ ကြား သစ်တောများနှင့် အခြားသဘာဝသယံဇာတများ အသုံးပြုမှုနှင့် စီမံခန့်ခွဲမှုတို့ ကွဲပြားခြားနားပြီး ကျားမတန်းတူညီမျှမရှိမှုအမျိုးမျိုးကိုလည်း တွေ့ရပါသည်။

–     ၂၀၁၃ ခုနှစ် လမ်းပြမြေပုံသည် အောက်ပါလိုအပ်ချက်များကိုလည်း အသိအမှတ်ပြုထားပါသည် – က) REDD+ အဆင်သင့်ဖြစ်                   ရေးလုပ်ဆောင်မှုများတွင် ကျားမတန်းတူညီမျှရေး အားပေးမြှင့်တင်ခြင်းနှင့် တိုင်းရင်းသားလူနည်းစုများ၏ အခွင့်အရေး                             များအား လေးစားခြင်းတို့ရှိကြောင်းသေချာစေခြင်းနှင့် ခ) REDD+ အကောင် အထည်ဖော်ရာတွင် ကျားမရေးရာနှင့်                                     တိုင်းရင်းသားလူနည်းစုများဆိုင်ရာ ကိစ္စများကို အားပေးမြှင့်တင်ခြင်းနှင့် ပေါင်းစပ်ထည့်သွင်းခြင်း တို့ကို ပြုလုပ်ခြင်းတို့                                ဖြစ်ပါသည်။

–     သစ်တောများ ရေရှည်တည်တံ့စေရန် စီမံအုပ်ချုပ်လုပ်ကိုင်မှုနှင့် REDD+ အတွက် မူဝါဒများ နှင့် အစီအစဉ်များတွင်အကျိုးဆက်                   စပ်သက်ဆိုင်သူများနှင့် ဆွေးနွေးညှိနှိုင်းဆောင်ရွက်ရန် အတွက် လမ်းညွှန်ချက်များ သည် REDD+ ဒီဇိုင်းရေးဆွဲမှုနှင့်                                   အကောင်အထည်ဖော်မှု အဆင့်များအားလုံးတွင် အမျိုးသားများ၊ အမျိုးသမီးများ၊ လူငယ်များနှင့် အခြားအကျိုးဆက် စပ်                             သက်ဆိုင်သူများ သာတူညီမျှစွာနှင့် အဓိပ္ပါယ်ပြည့်ဝစွာပါဝင်ဆောင်ရွက်နိုင်ရန် ရည်ရွယ် ပါသည်။