အခြေခံစည်းမျဉ်း – ဃ

အခြေခံစည်းမျဉ်း - ဃ

အခြေခံစည်းမျဉ်း ဃ။ မြန်မာနိုင်ငံရှိ REDD+ မူဝါဒများနှင့် နည်းလမ်းများအား ဒီဇိုင်းရေးဆွဲ၊ အကောင်အထည်ဖော် ရာတွင် သင့်လျော်သော အကျိုးသက်ဆိုင်သူများ၊ အထူးသဖြင့် ဌာနေ တိုင်းရင်းသားများနှင့် ဒေသခံပြည်သူများ၏ ထိရောက်သည့်အပြည့်အဝပါဝင်ဆောင်ရွက်မှုဖြင့် ရေးဆွဲဆောင်ရွက်သင့်ပါသည်။မူဝါဒများနှင့် နည်းလမ်းများ၏ သက်ရောက်မှုကို ခံရနိုင်ခြေရှိသော အုပ်စုများအားလုံးကို သင့်လျော်သည့် အကျိုးသက်ဆိုင်သူများအဖြစ် ယူဆသင့်ပါသည်။

စံသတ်မှတ်ချက် ဃ-၁။ မူဝါဒများနှင့် နည်လးမ်းများအား အစီအစဉ်ရေး ဆွဲခြင်းနှင့် အကောင်အထည်ဖော် ခြင်းတွင် အကျိုးသက်ဆိုင်သူများ ပါဝင်ဆောင်ရွက်လာအောင် တက် ကြွစွာ လုပ်ဆောင်သင့်ပြီး ပါဝင် ဆောင်ရွက်နိုင်စွမ်း နည်းပါးသော အကျိုးသက်ဆိုင်သူအုပ်စုများ (ဥပမာ အမျိုးသမီးများ၊ ဆင်းရဲနွမ်းပါးသူ များ၊ တိုင်းရင်းသား လူမျိုးစုငယ်များ၊ မြေယာအသုံးချခွင့် တရားဝင် စာရွက် စာတမ်း မရှိသူများ) ကို သင့်လျော် သည့် အစီအမံများ (ဥပမာ ဘာသာစကား အခက်အခဲများနှင့် ဓလေ့ထုံးတမ်းစဉ်လာများကို ထည့်သွင်းစဉ်းစား၍ စွမ်းရည်မြှင့် တင်ပေးခြင်း၊ သင့်လျော်သော ဆက်သွယ်ရေးပုံစံနည်းလမ်းများ ရွေးချယ်ခြင်း) ဖြင့် ကူညီပံ့ပိုး ပေးသင့်ပါသည်။

ဤစံသတ်မှတ်ချက်ကို မည်သို့ ကိုင်တွယ်ဆောင်ရွက်သနည်း

သင့်လျော်သော အကျိုးသက်ဆိုင်သူများ၏ အဓိပ္ပါယ်ဖွင့်ဆိုချက်

တရားဝင်မူဘောင်တွင် REDD+ များကို ဆောင်ရွက်သောအခါတွင် မည်သူများကို “သင့်လျော်သောအကျိုးသက်ဆိုင်သူများ” အဖြစ် သက်မှတ်ထားခြင်း သို့မဟုတ် မည်သည့်အကျိုးသက်ဆိုင်သူများသည် ပါဝင်ဆောင်ရွက်နိုင်မှုစွမ်းရည် နည်းပါးနေသည်ဟု ယူဆရမည် ဆိုသည်ကို မရှိသော်လည်း နိုင်ငံအဆင့် REDD+ မဟာဗျူဟာ ကို ရေးဆွဲသည့် လုပ်ငန်းစဉ်အတွင်းတွင် REDD+ အကျိုးသက်ဆိုင် သူများကို လေ့လာစာရင်းပြုစုခြင်း အား နိုင်ငံအဆင့်ဆောင်ရွက်ထားပါသည်။
၂၀၁၆ ခုနှစ်က မြန်မာနိုင်ငံ UN-REDD အစီအစဉ်၏ ပံ့ပိုးကူညီမှုဖြင့် ရေးဆွဲခဲ့သော ‘သစ်တောများ ရေရှည် တည်တံ့စေရန် စီမံအုပ်ချုပ်လုပ်ကိုင်မှုနှင့် REDD+ ဆိုင်ရာ မူဝါဒများနှင့် အစီအစဉ်များအတွက် အကျိုးသက်ဆိုင်သူ များနှင့် ဆွေးနွေးညှိနှိုင်းဆောင်ရွက်ခြင်း လမ်းညွှန်ချက်များ’[1] အရ သင့်လျော်သည့် အကျိုးသက်ဆိုင်သူများ ဆိုသည်မှာ “သစ်တောများနှင့်စပ်လျဉ်း၍ အကျိုးဆက်စပ်မှု/ အကျိုးစီးပွား/ ရပိုင် ခွင့်ရှိသောသူများနှင့် REDD+လုပ်ငန်းများကြောင့် ဆိုးကျိုး သို့မဟုတ် ကောင်းကျိုး သက်ရောက်ခြင်း ခံရမည့်သူများ” ဖြစ်ပါသည်။ အစိုးရဌာနအဖွဲ့အစည်းများ (ဥပမာ သစ်တောဦးစီးဌာန၊ MONREC၊ MOALI နှင့် MOPF)၊ တရားဝင်နှင့် အလွတ်သဘော သစ်တောအသုံးပြုသူများ၊ ပုဂ္ဂလိကကဏ္ဍအဖွဲ့အစည်းများ၊ ဌာနေတိုင်းရင်းသားများနှင့် သစ်တောများကို မှီခိုနေသော အခြားဒေသခံများ ပါဝင်ပါသည်။ အရပ်ဘက်လူမှု အဖွဲ့အစည်းများ (CSOs) နှင့်လည်း ဆွေးနွေးညှိနှိုင်း ဆောင်ရွက်သွားမည်ဖြစ်သည်။

အကျိုးသက်ဆိုင်သူများ ပါဝင်ဆောင်ရွက်နိုင်ရေး လုပ်ငန်းစဉ်များ

ဤစံသတ်မှတ်ချက်ကို လေးစားလိုက်နာရန် ယခုအချိန်အထိ မည်သည်တို့ကို လုပ်ဆောင်ပြီးဖြစ်သနည်း

အဓိက စိန်ခေါ်မှုများနှင့် အကြံပြုချက်များ

အဆိုပါ စိန်ခေါ်မှုများကို ဖြေရှင်းရန် အဓိက အကြံပြုချက်များမှာ –

REDD+ များကို စီမံကိန်းရေးဆွဲအကောင်အထည်ဖော်မည့် အဖွဲ့အစည်းများအတွက် လမ်းညွှန်ချက်များကို အသေးစိတ်ရေးဆွဲပေးပြီး အကျိုးသက်ဆိုင်သူများ ပါဝင်ဆောင်ရွက်နိုင်ရန် တရားဝင် လိုအပ်ချက်များကို ဖော်ပြထားရမည်။ REDD+အတွက် အကောင်းဆုံး ကျင့်သုံးမှုများ (ဥပမာ FPIC လုပ်ငန်းစဉ်များ၊ ပါဝင်ဆောင်ရွက်နိုင်မည့် အခွင့်အလမ်းများ သာတူညီမျှဖန်တီးပေးခြင်းနှင့် ထိခိုက်လွယ်သော/ပစ်ပယ်ခံရသော အကျိုးသက်ဆိုင်သူအုပ်စု များ၊ အထူးသဖြင့် အမျိုးသမီးများအတွက် စွမ်းရည်မြှင့်တင်ပေးမှုများ) နှင့် စပ်လျဉ်းသည့် သတ်မှတ်ချက်များကို ထည့်သွင်းလမ်းညွှန်ပေးရပါမည်။

ဃ - ၁ အဆိုပြု ညွှန်းကိန်းများ

လိုက်နာကျင့်သုံး	ဃ.၁.၁။ ဖော်ထုတ်သိရှိသည့် လူထုပါဝင်ဆောင်ရွက်မှု လုပ်ငန်းစဉ်များတွင် ပါဝင်သော လူအ ရေအတွက် (ကျား/မ၊ တိုင်းရင်းသားလူမျိုးစု၊ မြေယာလုပ်ပိုင်ခွင့် အဆင့်အတန်း အလိုက် ခွဲခြား၍)
	ဃ.၁.၂။ PaM အတွက် စီမံကိန်းရေးဆွဲမှု နှင့်/သို့မဟုတ် အကောင်အထည်ဖော်မှုတွင် အကျိုး သက်ဆိုင်သူများ ပါဝင် ဆောင်ရွက်နိုင်အောင် ပံ့ပိုးပေးသည့် စွမ်းရည်မြှင့်တင်မှု လုပ်ငန်းများ ကို အစီအစဉ်ရေးဆွဲထားသော နှင့်/သို့မဟုတ် ဆောင်ရွက်ခဲ့သော PaM များ ရာခိုင်နှုန်း (ဃ.၃.၄ နှင့် ချိတ်ဆက်နိုင်မည့် အလားအလာရှိ)၊
	ဃ.၁.၃။ စွမ်းရည်မြှင့်တင်မှုများတွင် တက်ရောက်သူများနှင့် တက်ရောက်သည့် နေ့ရက်ကို မြှောက်ထားသော အရေအ တွက်၊ စွမ်းရည်မြှင့်တင်မှုများ ရရှိသူအုပ်စုအလိုက် (ကျား/မ၊ တိုင်းရင်းသား၊ မြေယာလုပ်ပိုင်ခွင့် အဆင့်အတန်း) ခွဲခြား၍။ (ခ.၄.၄ နှင့်ချိတ်ဆက်)၊
	ဃ.၁.၄။ သင်တန်းရရှိသူများပေးသည့် ပျှမ်းမျှ စိတ်ကျေနပ်မှု အဆင့် သတ်မှတ်ချက်များ၊ သင်တန်းလက်ခံရရှိသူအုပ်စု အလိုက် ခွဲခြား၍

စံသတ်မှတ်ချက် ဃ-၂။ မူဝါဒ သို့မဟုတ် နည်းလမ်းတစ်ခု အား အစီအစဉ်ရေးဆွဲရာတွင် အကျိုး သက်ဆိုင်သူများ တိုက်ရိုက်ပါဝင် ဆောင်ရွက်ရန် မဖြစ်နိုင်သော နေရာများ (ဥပမာ PaM ကို အကောင်အထည်ဖော်မည့် ဧရိယာ ကြီးမားခြင်းကြောင့်) သက်ဆိုင်ရာ အုပ်စုများမှ ၎င်းတို့အား ကိုယ်စား ပြုရန်အတွက် သင့်လျော်သည့် နည်းလမ်းဖြင့် ရွေးချယ်ခန့်အပ်ပေး သော အကျိုးသက်ဆိုင်သူ ကိုယ်စား လှယ်များ၏ ပါဝင်ဆောင်ရွက်မှုကို ရရှိအောင် ဆောင်ရွက်သင့်ပြီး ထိုကိုယ်စားလှယ်များ၏ ၎င်းတို့နှင့် သက်ဆိုင်ရာ အကျိုးသက်ဆိုင်သူ အုပ်စုအပေါ် ကျေပြွန်ရမည့် တာဝန် ဝတ္တရားများကို သတ်မှတ်သင့်ပါ သည်။ အကျိုးသက်ဆိုင်သူ ကိုယ်စား လှယ်များသည် ၎င်းတို့၏ လုပ်ပိုင်ခွင့်များနှင့် တာဝန်များကို ကောင်းစွာ သိရှိနေအောင် ဆောင်ရွက်ပေးသင့်ပါသည်။ ၎င်းတို့သည် ၎င်းတို့၏ အကျိုး သက်ဆိုင်သူအုပ်စုများအား သတင်းအချက်အလက်များ မျှဝေပေး ပြီး ၎င်းတို့ထံမှ တုံ့ပြန်အကြံပြုမှုများ ကို ရယူသင့်ပါသည်။

ဤစံသတ်မှတ်ချက်ကို မည်သို့ ကိုင်တွယ်ဆောင်ရွက်သနည်း

REDD+ PaMs ဆောင်ရွက်ခြင်းနှင့် ဤစံသက်မှတ်ချက်များနှင့် သက်ဆိုင်သည့်အချက်အလက်များ မရရှိနိုင်သေးပါ။

အဓိက စိန်ခေါ်မှုများနှင့် အကြံပြုချက်များ

မြန်မာနိုင်ငံတွင် အကျိုးသက်ဆိုင်သူကိုယ်စားလှယ်များကို ရွေးချယ်ရန်အတွက် အားလုံးသဘောတူလက်ခံထားသည့် တရားဝင် လုပ်ငန်းများနှင့် ထိုကိုယ်စားလှယ်များကို အများလက်ခံယုံကြည်မှုနှင့် တာဝန်ခံမှု ရှိအောင် လုပ်ဆောင်နိုင်မည့် နည်းလမ်းများအတွက် ကျင့်သုံးနေသည့် အလေ့အကျင့်ကောင်းများ ယခုမရှိပါ။

အဆိုပါ စိန်ခေါ်မှုများကို ဖြေရှင်းရန် အကြံပြုချက်များမှာ –

ဃ - ၂ အဆိုပြု ညွှန်းကိန်းများ

လိုက်နာကျင့်သုံး	ဃ.၂.၁။ အကျိုးသက်ဆိုင်သူ ကိုယ်စားလှယ်များ ပါဝင်ဆောင် ရွက်သည့် PaM စီမံကိန်းရေးဆွဲမှုလုပ်ငန်းစဉ်များထဲမှ အကျိုး သက်ဆိုင်သူကိုယ်စားလှယ်များကို ရွေးချယ်ခြင် း နှင့် ရှင်းလင်း တင်ပြပေးခြင်းဆိုင်ရာ လမ်းညွှန်ချက်များကို လိုက်နာဆောင် ရွက်ထား ကြောင်းပြသသည့် စာရွက်စာတမ်းမှတ်တမ်းများ ရှိသည့် လုပ်ငန်းစဉ် ရာခိုင်နှုန်း၊
	ဃ.၂.၂။ အကျိုးသက်ဆိုင်သူ ကိုယ်စားလှယ်များ ပါဝင်ဆောင် ရွက်သည့် PaM စီမံကိန်းရေးဆွဲမှုလုပ်ငန်းစဉ်များထဲမှ ကိုယ် စားလှယ်များနှင့် ၎င်းတို့၏ အကျိုးသက်ဆိုင်သူအုပ်စုများ ကြား နှစ်လမ်းသွား ဆက်ဆံပြောဆိုဆွေးနွေးမှုများ ရှိကြောင်း ပြသသည့် စာရွက်စာတမ်းမှတ်တမ်းများ ရှိသော လုပ်ငန်းစဉ် ရာခိုင်နှုန်း၊
	ဃ.၂.၃။ အကျိုးသက်ဆိုင်သူ ကိုယ်စားလှယ်များ ရွေးချယ်မှု၊ ၎င်းတို့၏ လုပ်ဆောင်မှုများနှင့့်စပ်လျဉ်းသည့် တိုင်ကြားမှုများ လက်ခံရရှိသည့် အရေအတွက်နှင့် ဖြေရှင်းဆောင်ရွက်ပေး ခဲ့သည့် အရေအတွက်၊

စံသတ်မှတ်ချက် ဃ-၃။ အကျိုးသက်ဆိုင်သူများ၊ အထူး သဖြင့် ဒေသခံပြည်သူများသည် မူဝါဒများနှင့် နည်းလမ်း များကို အကောင်အထည်ဖော်ခြင်း နှင့်/သို့မဟုတ် စောင့်ကြည့် လေ့လာခြင်းတို့တွင် (မူဝါဒနှင့် နည်းလမ်း၏ သဘာဝကို ထည့်သွင်း စဉ်းစား၍) ထိရောက်စွာ ပါဝင် ဆောင်ရွက်နိုင်သည်ဆိုပါက ၎င်းတို့အား ပါဝင်ဆောင်ရွက်နိုင်ရန် အခွင့်အရေးပေးသင့်ပါသည် (ယင်းအတွက် ဘာသာစကား အခက်အခဲနှင့် ဓလေ့ထုံးစံများကို ထည့်သွင်းစဉ်းစား၍ စွမ်းရည် မြှင့်တင်မှု၊ လုပ်ထုံးလုပ်နည်း ယန္တရားများ၊ ကွန်ရက်များ၊ စသည် တည်ထောင်မှုတို့ လိုအပ်နိုင် ပါသည်) ။

ဤစံသတ်မှတ်ချက်ကို မည်သို့ ကိုင်တွယ်ဆောင်ရွက်သနည်း

သစ်တောနှင့် မြေယာဆိုင်ရာများတွင် ပူးပေါင်းပါဝင်နိုင်မှုကို အထောက်အပံ့ပေးသော မြန်မာနိုင်ငံ၏ တရားဝင် မူဘောင် ဥပမာ – အမျိုးသားမြေအသုံးချမှုမူဝါဒ (၂၀၁၆) တွင် မြေသိမ်းယူမှုများကြောင့် ထိခိုက်နစ်နာသူများသည် သက်ဆိုင်ရာ စီမံချက်တွင် ရင်းနှီးမြှုပ်နှံခွင့် ရရှိစေရန်အတွက် မြေယာနှင့်သက်ဆိုင်သောဥပဒေများကို ပြင်ဆင်သင့်သည်ဟု ဖော်ပြထားပါသည်။ဇီဝမျိုးစုံမျိုးကွဲနှင့် သဘာဝထိန်းသိမ်းရေးနယ်မြေများ ကာကွယ်စောင့်ရှောက်ခြင်းဆိုင်ရာ ဥပဒေ (၂၀၁၈) တွင် သဘာဝထိန်းသိမ်းရေးနယ်မြေများကို အုပ်ချုပ်ရေးအာဏာပိုင်များနှင့်အတူ ဒေသခံပြည်သူများ ပူးပေါင်းပါဝင်စီမံ အုပ်ချုပ်မှုကို ခွင့်ပြုထားပြီး ကြားခံနယ်မြေကို အဓိပ္ပါယ်ဖွင့်ဆိုရာတွင်လည်း ဖွံ့ဖြိုးရေးလုပ်ငန်းအချို့ကို ဆောင်ရွက်ရန် ခွင့်ပြုနိုင်သည့် နယ်မြေအဖြစ် ဖွင့်ဆိုထားပါသည်။ ဒေသခံပြည်သူအစုအဖွဲ့ပိုင်သစ်တောလုပ်ငန်းဆိုင်ရာ ညွှန်ကြားချက်များ (၂၀၁၉) တွင် ဒေသခံပြည်သူများ အတွက် ပါဝင်ဆောင်ရွက်နိုင်သည့် အခွင့်အလမ်းနှင့် တာဝန်ဝတ္တရားများစွာကို ပြဋ္ဌာန်းပေးထားပါသည်၊ အသုံးပြုသူများအဖွဲ့ (CFUGs) ၏ တာဝန်ဝတ္တရားများကို လည်း သတ်မှတ်ထားပြီး သစ်တောဦးစီးဌာနမှ ရရှိနိုင်သည့် အထောက်အပံ့များကိုလည်း ဖော်ပြထားပါသည်။ တောင်သူလယ်သမားအခွင့်အရေး ကာကွယ်ရေးနှင့် အကျိုးစီးပွားမြှင့်တင်ရေးဥပဒေ (၂၀၁၃) သည် တောင်သူ လယ်သမားများအား ငွေကြေးအရင်းအနှီး၊ နည်းပညာ၊ စျေးကွက်နှင့် သတင်းအချက်အလက်များ၊ လုပ်ကွက်ငယ်များနှင့် သဘာဝဘေးအန္တရာယ်ကြောင့် ထိခိုက်နစ်နာဆုံးရှုံးပါက ကူညီထောက်ပံ့မှုများ လက်လှမ်းမီရရှိအောင် ပံ့ပိုးကူညီပေးရန် ရည်ရွယ်ပါသည်။

REDD+ PaMs ဆောင်ရွက်ခြင်းနှင့် ဤစံသက်မှတ်ချက်များနှင့် သက်ဆိုင်သည့်အချက်အလက်များ မရရှိနိုင်သေးပါ။

အဓိက စိန်ခေါ်မှုများနှင့် အကြံပြုချက်များ

တရားဝင် မူဘောင်နှင့် REDD+ ဆိုင်ရာ သီးသန့်လုပ်ငန်းစဉ်များသည် အကျိုးသက်ဆိုင်သူများ၊ အထူးသဖြင့် ဌာနေတိုင်း ရင်းသားများနှင့် ဒေသခံပြည်သူများ ပူးပေါင်းပါဝင်နိုင်သည့် အခွင့်အလမ်းများ ရရှိအောင် ဆောင်ရွက်ပေးနိုင်သည့် သီးသီးသန့်သန့် အာရုံစုးစိုက်ခြင်း မရှိပါ။

အဆိုပါစိန်ခေါ်မှုများကို ဖြေရှင်းခြင်း –

အကျိုးသက်ဆိုင်သူများ၏ ပါဝင်ဆောင်ရွက်မှုအတွက် လမ်းညွှန်ချက်များ (စံသတ်မှတ်ချက် ဃ-၁ ကြည့်ပါရန်) တွင် မြေပြင်တွင် လုပ်ငန်းများ လက်တွေ့ အကောင်အထည် ဖော်ခြင်းနှင့် စောင့်ကြည့်စစ် ဆေး/အကဲဖြတ်ခြင်း အပါအဝင် PaM များ ရေးဆွဲအကောင်အထည် ဖော်သည့် အဆင့်များအားလုံးတွင် ပါဝင်နိုင်အောင် လမ်းညွှန်ပေးသင့်ပါသည်။ ထို့ပြင် လမ်းညွှန်ချက်များသည် အမျိုးသမီးများနှင့် အခြား ထိခိုက်လွယ်သော အုပ်စုများအတွက် အခွင့်အလမ်းများ ဖော်ထုတ်ပေးရန် နှင့် မြှင့်တင်ပေးရန်လည်း အားပေးသင့်ပါသည်။

ဃ - ၃ အဆိုပြု ညွှန်းကိန်းများ

စီမံဆောင်ရွက်	ဃ.၃.၁။ အကောင်အထည်ဖော်မှု နှင့်/သို့မဟုတ် စောင့်ကြည့် စစ်ဆေးမှုတို့တွင် အကျိုးသက်ဆိုင်သူများကို တက်ကြွစွာ ပါဝင်ခွင့်ပြုရန် ဒီဇိုင်းရေးဆွဲထားသော PaM များ အရေအတွက် (စုစုပေါင်းထဲမှ)၊
လိုက်နာကျင့်သုံး	ဃ.၃.၂။ အကျိုးသက်ဆိုင်သူများ တက်ကြွစွာ ပါဝင်ဆောင် ရွက်နိုင်သည့် အလားအလာ ရှိပြီး လက်တွေ့ ပါဝင်ဆောင် ရွက်နိုင်ပြီး ထိုဆောင်ရွက်မှုများကို မှတ်တမ်းတင်ထားသော REDD+ လုပ်ဆောင်ချက်များ ရာခိုင်နှုန်း၊
	ဃ.၃.၃။ PaM များ အကောင်အထည်ဖော်မှု နှင့်/သို့မဟုတ် စောင့်ကြည့်စစ်ဆေးမှုတွင် ပါဝင်ဆောင်ရွက်သူ အရေအတွက် (ပါဝင်သည့် အခန်းကဏ္ဍ၊ ကျား/မ၊ တိုင်းရင်းသား၊ မြေယာ လုပ်ပိုင်ခွင့်အဆင့်အတန်း၊ စသည်အလိုက် ခွဲခြား၍)၊
	ဃ.၃.၄။ PaM များတွင် ပါဝင်ဆောင်ရွက်ရန် စွမ်းရည်မြှင့်တင် မှုများ လက်ခံရရှိသည့်သူအရေအတွက်နှင့် အကောင်အထည်ဖော်မှု နှင့်/စောင့်ကြည့် စစ်ဆေးမှုတွင် ပါဝင်ဆောင်ရွက်နိုင်ခဲ့သောသူ အချိုး
	ဃ.၃.၅။ များ စီမံကိန်းရေးဆွဲခြင်းနှင့် အကောင်အထည်ဖော် ခြင်းတို့တွင် ပါဝင်ဆောင်ရွက်မှုများနှင့်စပ်လျဉ်းသည့် တိုင်ကြားမှုများ လက်ခံရရှိသည့် အရေအတွက်နှင့် ဖြေရှင်း ဆောင်ရွက်ပေးခဲ့သည့် အရေအတွက်၊

Myanmar Safeguards Information

ကာကွယ်စောင့်ရှောက်မှု သတင်းအချက်အလက်စနစ်

အခြေခံစည်းမျဉ်း - ဃ

အခြေခံစည်းမျဉ်း- က

အခြေခံစည်းမျဉ်း- ခ

အခြေခံစည်းမျဉ်း- ဂ

အခြေခံစည်းမျဉ်း- ဃ

အခြေခံစည်းမျဉ်း- င

အခြေခံစည်းမျဉ်း- စ

အခြေခံစည်းမျဉ်း- ဆ

Contact Us

Get Involved

© 2020 REDD+ Programme Myanmar

All images used courtesy of license holder or through Creative Commons license

Forest Department , Building 39, Nay Pyi Taw

+95 67 416523, +95 67 416524

reddprogramme@myanmar-redd.org